أشهر الكلمات اتي تقال يوميا في بيوتنا...

من طرف **ابن فلسطين** الخميس ديسمبر 10, 2009 10:16 am

أشهر الكلمات اتي تقال يوميا في بيوتنا... ,

اشهر الجمل التي تقال يوميا في بيوتنا

الولد لأخته : قومي هاتي كاسة مي .
الأخت : ما بدي أنا مش خدامة أبوك .

الأم :مين اللي ترك باب الثلاجة مفتوح .
يرد الجميع : مش احنا يمه ..

الأب عندما يدخل البيت : ها شو طابخين اليوم .؟
الأم : أي قول السلام عليكم بالأول .

الأب لأبنته ( الساعة 8 مساء ) غيري هالمحطة على الجزيرة وسيبيك من المسلسلات الفاضية .
البنت تغير المحطة بسرعة وتذهب للمطبخ وهي تقول : ( يلع توت توت توت توت توت ) طبعا الأب لا يسمع المسبات .

الأب لأبنه اللي بالجامعة : سيبك يا ولد من المظاهرات والكلام الفاضي كلهم بدهم يطلعوا على ظهرك وانت زي الهبيلة .
الولد : حاضر يا باه .. بس بعد اذنك بدي 20 شيكل اشحن الجوال .
الأب : روح انقلع .
الولد ينقلع فورا .

الأب لأبنه طالب الثانوية العامة : ادرس يا باه احنا ترا مش قد مصاريف الجامعات الخاصة .
الولد : حاضر حاضر .

البنت لأبيها : يا باه الأسبوع الجاي في رحلة مع المدرسة وبدي ايك توافق .
الأب : شوفي امك بالأول .
البنت لأمها : يمه الأسبوع الجاي في رحلة مع المدرسة وبدي إياك توافقي .
الأم : طيب شوفي أبوك بالأول .

الأم بعد أن كسر ولدها كاسة الشاي بالمطبخ : يلعن أبو الخلفة على اللي بخلفوا ولك احنا عنا مصنع قزاز

يلي ذلك قذف جميع الشباشب على ظهر الولد وهو يركض هاربا .

البنت لأبيها ( لا تدري انه عايف حاله ) : يا باه .
الأب : بو يسطح نيعك .

الأم لأولادها بعد انتهاء الهوشة مع الأب : أي لولاكم كنت رحت على بيت ابوي أنا قاعدة معاه علشانكم بس .
الأولاد : (ساكتين)